 |
|
|
A lingua, i naziunalisti è i clanisti
|
S'hè aperta nat'à u forum di l'ultras bastiacci una ragiunata nat'à a quistione di a lingua corsa, dopu a publicazione di l'idee di Cortey à prò di a lingua corsa. U cuntrastu hè pianu pianu sguillatu ver di a quistione di a leia trà i naziunalisti è i muvimenti pulitichi francesi è in particulare l'UMP.
|
Eccu quì a mo risposta:
Ùn a sò s'è u più difficiule serà di cunvince i soi(parlendu di l'UMP). Ci volerebbe ch'è no aprimu l'ochji. S'è no vulmeu vince, ci vole ch'è no(i naziunalisti) ci aprimu à d'altre ghjente chì ùn anu micca listessa storia pulitica chè a nostra. Ùn puderemu mai vince s'è no firmemu scantati, alluntanati da l'altri gruppi pulitichi è sempre in uppusizione. D'un antra parte, à elli, li vene assai più faciule di vince cun noi. In più di quessa, hè scambiata a situazione dipoi 30 anni. A CFR hè sparita è vulè ùn vulè, l'idee purtate da i naziunalisti impegnanu oramai a sucetà è u populu corsu.
Sta situazione porta un risicu.
S'è ricusemu l'apertura, u risicu hè di passà per ghjente sceme stremiste chì ricusanu di piglià u putere à l'usu Besancenot. U ricusu hè di vede cum'è u FN in Francia, vede e so idee ripigliate è purtà d'altre persone à u putere. Ci vole à scambià. Ci vole à integrà da cima in fondu u ghjocu puliticu. Ci vole à presentà si à tutte l'elezzione. Ci vole à fà l'unione, nun solu incù i naziunalisti ma dinù incù e ghjente chì a ci la dumandanu, al di là di l'anziane upposizione diritta/manca.
Ùn vecu nisuna cuntradizzione à fà l'unione in Bastia per esempiu incù Chiarelli è in Aiacciu incù Renucci. Nant'à u fondu, a sfarenza hè poca. In quantu à tutti quelli chì stanu in prigiò, seria una bona ch'elli veganu chì i so ripresententi piglessinu di più putere di modu à difende ancu megliu a so situazione è fà ch'elle si biotinu e prigiò.
Vi daraghju un esempiu. Hè quellu di i naziunalisti. In Catalogna, sò oramai trenta anni ch'elli sò à u putere i naziunalisti. Eppuru ùn sò mai stati maiuritarii. Cumu anu fattu? Ghjocanu incù l'altri partiti spagnoli tradiziunali. Incù u ghjocu di l'unione, a facenu à tene u putere cun elli. Cusì, u presidente di a Generalitat hè sempre statu naziunalistu, da Jordi Pujol à Maragall. PEnsu ch'ellu hè un bellu esmpiu per noi, nun solu per piglià u putere o di più putere ma dinù per a pulitica ch'elli anu messu in ballu à prò di a Catalogna è in particulare di a so lingua. :D
"A strada ùn hè micca difficiule, hè u difficiule chì ghjè u caminu"
http://crij.phpnet.org/Foru_Arrabbiati/phpBB2/viewtopic.php?f=2&t=4290&st=0&sk=t&sd=a&start=30
|
|
| > Envoyer cet article à un ami |
|
|
|
Blogs
Weblogger
Derniers articles
Rubriques
Liens
Ce qu'on en dit
Infos blog
Mes alertes 
Connexion
Calendrier
Top de la semaine